Црвениот тепих на филмскиот фестивал во Венеција последниве денови ја воодушевуваше публиката ширум светот поради гламурозните модни креации на дамите кои прошетаа по него, а ситуацијата неделава и прилично се вжешти.

Инфлуенсерките Мила Суарес и Елиса Де Паницис на црвениот тепих прошетаа во елегантни фустани со црна и со бела боја, а по позирањето почнаа да се бакнуваат.

Девојките на тој начин го промовираа филмот „Le Sorelle Macaluso“, а според пишувањето на странските медиуми, успејаа да го свртат вниманието на филмот, кој само што ја имаше својата премиера.

Освен промоција на филмот, девојките сакале и да им оддадат почит на Мадона и на Бритни Спирс, кои пред 17 години со својот бакнеж на доделувањето на МТВ ВМА наградите привлекоа толкаво внимание што и денес се зборува за тоа.

Суарез и Де Паницис на Инстаграм имаат стотици илјади следбеници, а сега се погрижија нивните профили да бидат уште попопуларни.

Интересно е што ниту една од нив всушност не се појавува во филмот кој заедно го промовираа.