ФОТО | Зоолошката градина доби нови жители: После џуџестите крокодили, пристигнаа и патагониските мари

Зоолошката градина во Скопје од денеска има нови жители, а станува збор за патагониските мари, кои се јужноамерикански глодари од патагониската област во Аргентина.

„Патагониските мари се нови жители на Скопје Зоо. За првпат, Скопје е дом на овие јужноамерикански глодари кои потекнуваат од патагониската област во Аргентина. Често ги нарекуваат и патагониски зајак поради сличноста со ова животно. Тие се едни од најголемите глодари и се познати по нивниот специфичен изглед. Моментално се во карантин, поради адаптација на новата средина“, напишаа од Зоолошката градина на Фејсбук.

Скопската зоолошка градина вчера за првпат стана и нов дом на џуџести крокодили, нешто што пријатно ги изненади нејзините редовни посетители.

ФОТО: Скопската зоолошка градина за првпат стана дом на џуџести крокодили

 

 

Видео на денот