ФОТО | Запленета дрога во вредност од околу 200 000 евра, пресечен меѓународен транспорт од Албанија за Грција

Фото: Министерство за внатрешни работи

Вчера, во заедничка полициска акција на полициски службеници од Одделот за криминалистичка полиција – Сектор за недозволена трговија со дрога, оружје и опасни материи, Специјална антитерористичка единица „Тигар“ и ОВР Прилеп пресечен е меѓународен канал за транспорт на наркотична дрога марихуана, од Р. Албанија преку нашата држава со крајна дестинација за Република Грција, во вредност од околу 200 000 евра.

 – На патниот правец Прилеп-Битола од страна на сообрaќајна полиција запрено е патничко возило „пежо карван“, со скопски регистарски ознаки, управувано од М.Ј. (31) од Скопје и при извршена контрола било констатирано дека лицето не поседува возачка дозвола и возилото не било технички испрвно, а по извршениот преглед биле пронајдени две патни торби во кои имало 9 големи пакувања марихуана, во вкупна количина од 50 килограми, информираат од Министерството за внатрешни работи.

Како што известуваат од МВР, М.Ј. е лишен од слобода, за настанот известен е Јавен обвинител од ОЈО Прилеп и се преземаат мерки за утврдување на евентуална инволвираност и на други лица при транспортот на дрогата, по што од страна на ОВР Прилеп до надлежното ОЈО Прилеп ќе биде поднесена соодветна кривична пријава по член 215 од Кривичниот законик.

Фото: Министерство за внатрешни работи
Фото: Министерство за внатрешни работи
Фото: Министерство за внатрешни работи
Фото: Министерство за внатрешни работи
Видео на денот