Како што растат летните температури, така сè повеќе цвеќиња растат на Антарктикот. Оваа загрижувачка појава го прави овој дел од светот сè помалку препознатлив – од година на година, пишува „Саенс алерт“.

Научниците открија цветни растенија, мов и алги на копното, кои се шират како никогаш досега, а обемот на пловечкиот морски мраз е на рекордно ниско ниво. Овие драматични промени се совпаднаа со зголемувањето на летните температури.

Истражувачите од Универзитетот во Вашингтон го забележаа најголемиот топлотен бран што некогаш го погодил Антарктикот во 2022 година. Во март температурите во близина на Јужниот пол го достигнаа максимумот, кога три дена беа измерени -10 степени.

„Ова беше најтоплата температурна аномалија забележана каде било во светот“, изјави Едвард Бланчард-Вриглесворт, атмосферски научник и прв автор на објавената студија на тимот на Универзитетот во Вашингтон.

Flowers are now starting to bloom in Antarctica and experts say this is not good news.

According to Professor Nicoletta Cannone from the University of Insubria, this is the first sign that global warming is causing rapid changes in Antarctica’s ecosystem. pic.twitter.com/nQXrnXRTgx

— 6ixBuzzTV (@6ixbuzztv) September 24, 2023

Некои од членовите на тимот, додека работеле на Анарктикот, носеле кратки панталони, па дури и можеле да се шетаат без маица поради топлото време. Ваквите моменти покажуваат дека Антарктикот не е толку имун на климатската криза како што некогаш мислеа некои научници.

За да открие колкав дел од неодамнешниот топлотен бран на Антарктикот се припишува на климатските промени, тимот на научници користел стратегија за моделирање што се потпира на „расплетот на минатите настани или веродостојни идни настани“ за да ги репродуцира тековните климатски настани.

„Откривме дека климатските промени во изминатиот век го зголемија топлотниот бран за 2 целзиусови степени, додека еквивалентниот топлотен бран во 2096 година ќе биде дополнителни 6 целзиусови степени потопол од 2022 година (8 целзиусови степени во споредба со 1922 година)“, пишуваат истражувачите. во нивните наоди.

Тоа идно сценарио би можело да ги доближи мартовските температури на Антарктикот до точка на топење, заканувајќи се на огромни површини мраз на континентот.

#Flowers Blooming and #Grass Growing In Antarctica is a Bad sign that there is a climate change.
And, it is disturbing the Ecosystem of that region.#Climatechange #Antarctica #ClimateAction pic.twitter.com/xcVRRwjXjG

— Eco Discussion (@EcoDiscussion) September 23, 2023

Во моментов, Антарктикот и придружните острови се покриени со постојан снег и мраз, со само околу еден процент од земјиштето погодно за цветање растенија, како што се влакнестата трева на Антарктикот (Deschampsia antarctica) и антарктичкиот бисер (Colobanthus prettinsis).

Меѓутоа, во последниве децении, потоплите пролети и лета доведоа до размножување на таквите растенија, при што стапките на раст се зголемија за 20 проценти, или повеќе, од 2009 до 2018 година.

До крајот на векот, некои модели предвидуваат тројно зголемување на земјиштето без мраз на Антарктичкиот Полуостров, што ќе овозможи колонизација на растенијата. Ако вегетацијата продолжи да се шири во овие зони, истражувачите се загрижени дека тоа ќе доведе до „неповратна загуба на биолошката разновидност“ на Антарктикот.

„Знаеме дека ќе има илјадници квадратни километри земја без мраз и дека потоплите температури и дополнителната достапна вода ќе создадат нови живеалишта погодни за колонизација, што ќе им користи на некои видови, а на други – не“, објасни Јасмин Ли, биолог.

Научниците ширум светот сега работат најбрзо што можат за да ги разберат минатите и сегашните живеалишта на Антарктикот за да можат да се обидат да ги зачуваат за иднината.

Студијата за топлотниот бран на Антарктикот беше објавена во списанието „Geophysical Research Letters“.

Шестмина млади тужат 32 земји поради климатските промени