ФОТО | Временски приказ на врската на Џенифер Лопез и Бен Афлек: Како се случи Бенифер 2.0
Бенифер беше еден од најславните парови на раните 2000-ти. Нивната романса се одвиваше баш во периодот кога таблоидите земаа замав, па често беа ѕвезди на насловните страници. Постојаната медиумска покриеност, според нив ја инспирирала нивната разделба.
Бен Афлек и Џенифер Лопез ја раскинаа врската во 2004 година, кога ја прекинаа својата двегодишна веридба. Оттогаш поминаа 18 години, а холивудските заводници се позаљубени од што беа пред скоро две децении.
Раѓање на Бенифер
„Бенифер“ се запознаа на снимањето на филмот „Gigli“. Афлек ја запроси во ноември 2002 година, но парот ја откажа свадбената церемонија во септември 2003 година, само еден ден пред таа да се одржи. Тие раскинаа во 2004 година. Тогаш изјавија дека медиумското влијание било претешко за нив.
– Ние не сакавме да имаме јавна врска. Се случи да почнеме да се забавуваме во моментот кога настанаа таблоидите. Не знаевме за тој притисок, ниту пак претпоставуваме дека може да биде толку силен, изјави Лопез во 2006 година за „Extra“.
Нови сопружници
Џенифер Лопез во 2004 година се омажи за пејачот Марк Ентони, со кој доби близнаци и се разведе во 2013 година.
Бен Афлек во 2005 година се ожени со колешката Џенифер Гарнер, со која доби три деца. Тие двајца се разведоа во 2015 година, главно поради неговиот проблем со алкохолизмот.
Да останев во брак сигурно сè уште ќе пиев: Бен Афлек се отвори за разводот со Џенифер Гарнер
И покрај нивната разделба Бен во повеќе наврати изјавил дека ја почитува Џеј Ло и тогаш ја пофали улогата во „Hustlers“ и рече дека таа е „вистинското нешто“.
Бен Афлек проговори за тоа како ја освоил Џенифер Лопез назад: Дефинитивно ми е убаво…
Старо-нови намери
Кон крајот на април 2021 година, Афлек беше „фатен“ како ја посетува Лопез во нејзиниот дом во Беверли Хилс.
ФОТО | Бенифер се враќа: Дали новите фотографии се доволен доказ дека се повторно заедно?
View this post on Instagram
Во изминатата година тие лека-полека ја обновуваа љубовта, ги спојуваа семејствата и имотите. А сега, Бен и Џенифер-ѕвездени љубовници постојано си ја демонстрираат љубовта.
ФОТО: Џенифер Лопез и Бен Афлек уживаат во забавен парк со нивните деца
View this post on Instagram
ФОТО | Џеј Ло и Бен Афлек во „љубовен занос“, не можат да ги оттргнат рацете еден од друг!
Џенифер беше забележана со огромен прстен на раката од страна на папараци и денес ја потврди свршувачката. Скоро дваесет години подоцна љубовниците ќе ги остварат своите намери.
ФОТО+ВИДЕО | Џенифер Лопез ја потврди свршувачката со Бен Афлек: Прстенот има посебно значење
