ФОТО: Вознемирувачка увертира пред дербито – обесена кукла која го претставува Винисиус Жуниор
Фудбалерите на Реал Мадрид и Атлетико Мадрид вечерва (21.00 часот) ќе го одиграат градско дерби во рамките на Кралскиот куп за пласман во полуфиналето, а „црвено-белите“ ултраси на Атлетико веќе подготвија увертира за нова пресметка меѓу лутите градски ривали. И тоа ужасна, вознемирувачка увертира.
На надвозникот, во близина на тренинг центарот на Реал, „Валдебебас“, можеше да се забележи голем транспарент, поставен ноќта пред натпреварот на кој пишуваше: „Мадрид го мрази Реал“.
Таа порака, која ќе ја слушнете од устата на речиси секој навивач на Реал, не е она што најмногу ги вознемири граѓаните кои од утрово минуваа низ тој дел на градот, туку куклата која висеше од оградата на надвозникот.
Обесена кукла која го претставува играчот на Реал Мадрид, Бразилецот Винисиус Жуниор.
Навивачите на Атлетико и во минатото имаа расистички испади, веќе го навредуваа Винисиус само поради бојата на кожата, но и неговиот сонародник Родриго исто така на расна основа, на претходниот натпревар меѓу истите ривали во „Ла Лига“.
Un muñeco de Vinicius colgado por el Frente Atlético. Supongo que la fiscalía verá que es algo “propio de rivalidad” y a otra cosa. pic.twitter.com/36B8lZkCxo
— Ramón Álvarez de Mon (@Ramon_AlvarezMM) January 26, 2023
Horrible. Shameful. Ridiculous. Worrying.
Atletico Madrid fans have stained the name of the club with a gruesome incident.
Vinicius Junior has been the object of their hatred once more.https://t.co/UL2rm9SYZJ
— Sports Brief (@sportsbriefcom) January 26, 2023