Триесет и седум годишна жена родила десет бебиња, а со тоа постави и светски рекорд, подобрувајќи го претходниот на Халима Сисе од Мароко која родила девет деца во една бременост, пренесува „BBC“.

 

View this post on Instagram

 

A post shared by Baby By Lulu & Ju (@babybyluluetju)

Жосиаме Ситол станала мајка на седум момчиња и три девојчиња кои се родени во болница во главниот град на Јужна Африка – Преторија. Лекарите велат дека случајот е вистинска реткост, бидејќи не е резултат на третман со неплодност.

Таа се породила со царски рез, според локалните медиуми, информирани од нејзиниот сопруг Тебохо Цотеци.

–  Жосиаме беше бремена седум месеци и седум дена. Среќен сум и возбуден. Жал ми е, не можам да зборувам многу во моментов, изјавил среќниот татко за медиумите.

Жосиаме за време на бременоста за медиумите изјави дека е „шокирана и фасцинирана“ од фактот дека носи толку многу бебиња.

 

View this post on Instagram

 

A post shared by Tele Real RD (@telerealrd)

Првично се сметаше дека се осум, но тестовите подоцна потврдија дека биле десет бебиња. Бебињата ќе ги поминат следните неколку месеци во инкубатори, бидејќи се со недоволна тежина и лекарите ќе се борат за нивните животи.