Пош Спајсицата Викторија Бекам за кратко време помина пат од пејачка, до модна икона, дизјанерка, па и сопственичка на сопствен бренд. Иако добива доста пофалби за својот изглед, но и за начинот на кој секогаш ги комбинира модните парчиња, сепак овој пат не беше баш така.

Се работи за нејзината последна колекција за пролет/лето 2022, особено еден од фустаните кој ги „засркна“ критичарите и тие беа доста сурови во описот на ова парче.

Се работи за бел фустан со едноставен крој, кој на предниот дел има опшиен дел од сатенска свила во боја на праска, украсен со чипкасти детали. Но, нормално дека тоа не им се чинеше баш привлечно на многумина, па коментираа дека „фустанот изгледа гротескно“, „како некој да истурил супа врз бела основа“.

Овој фустан е официјално прикачен на страницата на брендот на Викторија и се продава по ценa од речиси 2000 евра.
Модниот бренд на Спајсицата изгледа не е баш во најомилените на пазарот.  Минатата година беше објавено дека од 2008 година, до сега има изгубено преку 54 милиони евра од заработката.

На Викторија очигледно тоа не и е проблем, затоа што Дејвид има богатство проценето преку 450 милиони долари.