ФОТО+ВИДЕО | Најтажната новогодишна елка: Пристаништето во Бејрут е „украсено“ со елка која ги носи имињата на загинатите во експлозијата
На овој начин им беше оддадена чест на сите кои загинаа во една од најголемите трагедии во Либан.
Иако дочекот на новата година ќе изостане поради пандемијата на коронавирусот, светските метрополи не се откажаа целосно од украсувањето по повод празниците. Така, плоштадите ширум светот се украсени со разновидни новогодишни елки, а една од најтажните елки е поставен во Бејрут.
Елката како „украс“ ги носи имињата на загинатите во страшната експлозија во пристаништето во главниот град на Либан.
Тажната елка е поставена на местото на трагедија која се случи на 4 август.
Едната половина од новогодишната елка е украсена со лампиони и празнични декорации, а на долниот дел се наоѓа список на жртвите.
На овој начин им беше оддадена чест на сите кои загинаа во една од најголемите трагедии во Либан.
Да се потсетиме, главниот град на Либан беше потресен од катастрофална експлозија оваа година, во која загинаа повеќе од 200 лица, додека околу 6.500 беа повредени. Голем број луѓе останаа без покрив над главата кога експлодираа 2.750 тони амониум нитрат, кои биле чувани во пристаништето од 2013 година, без многу надзор.
Слики од хоророт го обиколија светот.
