ФОТО+ВИДЕО: И велигденски јајца се најдоа меѓу амандманите на Левица за онлајн работа на пратениците
Сите пратеници да имаат бојадисано јајце пред камера за Велигденските празници, гласи еден од вкупно 1.400 собраниски амандмани што ги поднесе партијата „Левица“, со намера да ги блокира измените на Деловникот, предложени од спикерот Талат Џафери, а кои се однесуваат на онлајн работа на заразените со Ковид-19 пратеници.
За ваквата иницијатива на Џафери пристигнаа околу три илјади амандмани од Левица, ВМРО-ДПМНЕ и Алијанса за Албанците
– Амандманот за кој Апасиев немал храброст да се потпише, па низ вода го пушти колегата Крмов. Епа тоа драги гласачи на Левица. Тресла се гора, родио се МИШ! Баш му е гајле на Апасиев за вашите проблеми, напиша пратеникот на СДСМ, Костадин Костадинов на социјалните мрежи, споделувајќи ја фотографијата од амандманот на Левица.