ФОТО | Тврдеше дека неговиот дом е проколнат: Пејачот конечно го продаде луксузниот имот на кој се случувале морничави работи
Пејачот јавно зборуваше за тоа дека во неговиот дом се случуваат многу чудни и мистични работи, а дури по две години успеа да го продаде импозантниот имот и куќата.
Музичарот и поранешен член на бендот „One Direction“, Лијам Пејн, конечно успеал да се ослободи од својот имот во Санта Моника, две години откако за прв пат започна да се обидува да најде купувач.
Како што пишуваат странските медиуми, тој го продал комплексот за повеќе од 10 милиони долари, во чии рамки се наоѓаше и голема површина на лозје, соба за медитација, библиотека, водопад… Сепак, и покрај целиот луксуз, тоа што сигурно му одмогнало во продавањето се неговите јавни тврдења дека живее во проколната куќа.
Тој уште во 2017 година изјави дека на неговата мајка на улицата и пришла непозната жена за да ја предупреди за духот од претходниот сопственик кој се уште го опседнува имотот.
Тој живеше на овој имот со поранешната партнерка Шерил Кол, додека таа беше бремена и го очекуваше нивниот прв син Беар.
„Шерил не сакаше да остане сама во собата на катот. Видов како светлата се палат и гасат сами во текот на ноќта, а постоеа и морничави моменти во кои водата од чешмите започнуваше сама да тече“, раскажа тогаш Лијам.
Во близина на овој имот се и домовите на Мајли Сајрус, Кардашијан и др. Се уште не е познато кој е новиот сопственик на овој имот со малку чудна репутација.