Актерот Алек Болдвин се сретна со сопругот и синот на снимателката Халина Хачинс, која почина на сетот на филмот „Р’ѓа“, пренесува „Sun“.

Викендов, Болдвин беше затекнат во близина на хотелот во Ново Мексико каде престојуваше ужалениот сопруг на Халина Метју и нивниот деветогодишен син Андрос. На фотографиите кои се проширија на социјалните мрежи, тој силно го гушка сопругот на починатата Халина.

Таткото на трагично загинатата, Анатолиј Андросович даде изјава за Sun:

„Андрос беше исклучително поврзан со својата мајка и откако дозна дека таа е почината, тој не изустува ни збор.“

Во изјавата тој вели дека не го обвинува Болдвин за смртта на својата ќерка, туку личноста која била одговорна за реквизитите на сетот.

Сопругот на Халина, Метју бил особено загрижен за момчето кое се повлекло во себе овие денови поради сознанието за ужасната вест. Тој се трудел да извлече некаков збор од него, но, за жал, неуспешно…

Таткото Анатолиј додава:

„Оваа трагедија уништи прекрасно семејство.“

ВИДЕО | Андоновиќ: Во бизарна филмска сцена убиена актерка од страна на својот колега – во реквизитерскиот пиштол имало вистински куршуми

Алек Болдвин се огласи за првпат по трагедијата: Срцето ми е скршено