ФОТО | Тревис Баркер, сопругот на Кортни Кардашијан беше итно хоспитализиран
Тревис Баркер беше итно пренесен во болница во вторникот попладне со сопругата Кортни Кардашијан покрај него, пренесува „TMZ“.
Баркер (46) беше фотографиран како лежи на носилка надвор од медицинскиот центар „Седарс-Синај“ во Лос Анџелес, Калифорнија, додека Кортни ја следеше пеш.
View this post on Instagram
Музичарот бил виден пред брзата помош додека ја држел десната рака нагоре, на која е прикажана неговата непогрешлива тетоважа на череп. Кардашијан се гледа само одзади. Таа е во целосно црн ансамбл и има качулка над главата. Безбедносниот тим на реалити ѕвездата внимателно го следело возилото со црн „ренџ ровер“, додека не пристигнале во болницата.
Неколку минути откако веста се прошири 16-годишната ќерка на Баркер, Алабама, на својот инстаграм-профил напиша: „Ве молиме испратете ги вашите молитви“.
Младенците прво пристигнале во болницата и медицинскиот центар „Вест Хилс“ во вторникот наутро поради некаков здравствен проблем со кој се соочувал Баркер. Медицинскиот персонал во „Вест Хилс“ почувствувал дека музичарот има потреба од дополнителна нега, па затоа итно бил префрлен во „Седарс-Синај“.
Во 10:45 часот по локално време – навидум среде неговата медицинска помош рокерот напиша на Твитер: „Боже спаси ме“. Иако така се вика неговата песна со Машин Ган Кели, тајмингот на твитот е морничав.
God save me
— Travis Barker (@travisbarker) June 28, 2022