ФОТО | Тажна глетка: Го врзале кучето за хидрант и го напуштиле

Напуштената „Baby Girl“ / Фото: Фејсбук, Кајли Енгелхард

Грижата за домашните миленици е голема обврска, но љубовта која тие ни ја даваат е многу поголема. За жал, колку и да е тешка таа одлука, некои сопственици решаваат да ги напуштат своите кучиња.

Девојката Кајли Енгелхард, од градот Грин Беј во американската сојузна држава Висконсин, била сведок на таква тажна глетка. Имено, таа здогледала шестгодишна кучка, чии сопственици ја врзале за противпожарен хидрант и покрај неа оставиле голема торба со нејзините омилени играчки и кучешката храна.

Кајли поминала некое време со кучето, тешејќи го и надевајќи се дека нејзините сопственици ќе се вратат. Но, бидејќи тоа не се случило, таа го фотографирала кучето и го објавила на социјалните мрежи, со надеж дека некојќе посака да го вдоми. Во меѓувреме, Кајли му го дала името „Baby Girl“.

Потоа, Кајли го однела кучето во претпријатието за третман на улични кучиња „Wisconsin Humane Society“, каде знаела дека ќе биде дочекано со многу љубов.

„Навистина ни е жал што сте морале да се разделите од вашата најдобра пријателка. Евидентно е колку сте ја сакале и се гледа дека сте го направиле најдоброто за неа, додека сте се соочувале со вашите животни предизвици. Ја гледаме вашата љубов во торбата која внимателно сте ја спакувале, а во која се сите нејзини омилени работи. Ја гледаме вашата љубов и во тоа како сигурно сте ја врзале со нејзиниот поводник, за да не биде удрена од автомобил. Ја гледаме вашата љубов и во тоа како сте ја сместиле во населба во која лесно ќе биде најдена. Ја гледаме вашата љубов и во тоа колку кучето е среќно и здраво. За крај, ја гледаме вашата љубов и во белешката којашто сте ја оставиле, во која се надевате дека некој ќе ѝ помогне бидејќи вие веќе не можете“, стои во пораката на „Wisconsin Humane Society“, упатена кон претходните сопственици на кучето.

ВИДЕО | Ќе ве расплаче: Канадски пар вдомил куче од Индија

Видео на денот