Американската актерка Џесика Алба (39) беше фотографирана на улиците во Лос Анџелес во облека која многу жени ја коментираа како совршена комбинација и одличен стил.

Имено, славната убавица прошета во широки фармерки, црна маичка и карирано сако и со својот стил на облекување предизвика бројни позитивни реакции.

„Оваа жена не знае да згреши со облекувањето“, гласеше еден од многубројните коментари.

Алба за оваа прилика облече црни рамни чевли, додека на раката носеше огромна црна ташна. На лицето носеше и заштитна маска за да се заштити од коронавирусот и очила за сонце, додека во рака го држеше и своето кафе.

Џесика која со сопругот Кеш Ворен има три деца, најмногу време поминува со својата најстара миленичка. Таа е вистински среќна мајка – на 39 години има три деца, а нејзината најстара ќерка Хонор е веќе возрасна девојка, која како што велат фановите, неверојатно многу наликува на својата мајка.