ФОТО | Големи немири во Брисел по поразот на Белгија од Мароко

Фото: EPA-EFE/STEPHANIE LECOCQ

Судири избувнаа во Брисел по победата на Мароко над Белгија на Светското фудбалско првенство – десетици навивачи на Мароко нападнале полицајци, соопшти полицијата, a пренесе „Индекс“.

Уште пред крајот на натпреварот, „десетици лица, од кои некои маскирани, предизвикале конфликт со полициските сили во центарот на градот, со што ја загрозиле јавната безбедност“, се вели во соопштението на полицијата.

Од полицијата велат дека толпата употребувала пиротехнички средства и палки, фрлала камења по полицајци и запалила семафор, а избувнал и пожар на една улица.

Фото: EPA-EFE/STEPHANIE LECOCQ

„Еден новинар бил погоден со пиротехничко средство по лицето“, извести полицијата, која потоа решила да интервенира со водени топови и солзавец.

Во интервенцијата учествувале стотина полицајци, додека незадоволните лица ги гаѓале со камења.

Полициските сили ги повикаа жителите и навивачите да избегнуваат некои населби во центарот на градот. Станиците на метрото беа затворени, а улиците беа блокирани за да се спречат собири.

Фото: EPA-EFE/STEPHANIE LECOCQ

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот