Српска манекенка поради несреќа на имот на милијардер заврши во инвалидска количка
Познатата српска манекенка Симона Андрејиќ, која завчера наполни 28 години, пред три години беше тешко повредена откако падна од „зиплајн“ на имотот на милијардерот Чин Чу.
Чу на 17 јули поканил група модели и пријатели да го посетат неговиот дом во Вестчестер, во американската држава Њујорк.
Убавицата по падот заврши во инвалидска количка, а утврдено е дека ја скршила карлицата на неколку места, а против богаташот поднела и повеќемилионска тужба. Манекенката помина неколку недели во инвалидска количка, а потоа закрепна и ѝ се врати на модата.
View this post on Instagram
Оваа атрактивна русокоса извесно време престојувала во Америка, каде соработувала со познати модни брендови, а во 2009 година победи на српскиот Elite Model Look International натпревар и оттогаш нејзината кариера зема вртоглав подем.
Како манекенка работела ревии за најпознатите светски модни брендови како „Келвин Клајн“, „Диор“, „Џанфранко Фере“, „Долче Габана“, „Кристијан Диор“, „Ланвин“ и други. Работела и едиторијали за бројни светски списанија, како „Вог“, „Ел“, „Космополитен“…
View this post on Instagram
– Моделството е многу напорна работа. Ако сакате врвен резултат, мора максимално да му се посветите. Секој слободен момент го користам за да работам на подобрување на моите способности на сите полиња како учење, тренинзи, а почнав и со часови по јога, кои многу ми се допаѓаат. Јас сум голем љубител на запознавање нови култури и учење нови јазици. Покрај сите мои обврски, се трудам да вложувам во себе и на тоа поле. Зборувам англиски, руски и си го усовршувам шпанскиот – изјавила своевремено Симона во интервју за магазинот „Wannabe“ и додала:
– Оваа професија ми овозможува многу да патувам. Понекогаш ми се случува за една недела или ден да бидам во неколку различни градови и земји. Поголемиот дел од времето го поминувам во Њујорк, кој дефинитивно е еден од моите омилени градови.
View this post on Instagram
