ФОТО: Според фановите на УЕФА, Португалија и Шведска ќе играат на Мундијалот
Денеска од европската зона ќе дознаеме уште две репрезентации кои ќе учествуваат на следното Светско првенство кое годинава ќе се одржи во Катар.
Македонската А селекција од 20.45 часот во Порто на стадионот „Драгао“ ќе се обиде да испише нова историја на дуелот против Португалија која ја има фаворирската улога. А во истиот термин Полска е домаќин на Шведска.
До почетокот на средбата фановите гласаат, предвидуваат кои селекции според нив сметаат дека треба да се најдат на Мундијалот.
Според бројките на официјалниот Твитер профил на УЕФА, на Португалија и Шведска (41,1%) им се даваат најголеми шанси дека ќе се пласираат на СП.
Голем број на фанови сметаат дека победници ќе бидат Португалија и Полска (39,6%), а мали шанси им се даваат на најдобрите македонски фудбалери (Македонија и Шведска 9,1%, Македонија и Полска 10,2%).
🏆 Which two European teams will qualify for the World Cup tonight?
🇲🇰 🇵🇱 🇵🇹 🇸🇪#WCQ
— UEFA (@UEFA) March 28, 2022