ФОТО: Сосема е јасно од кого Наоми Кемпбел ја наследила беспрекорната убавина
Супермоделот Наоми Кемпбел, познатата манекенка која имаше неверојатна кариера во модниот свет, отсекогаш била многу блиска со нејзината мајка Валери Морис-Кембел.
Манекенката, која сè уште го остава светот без здив со својата егзотична убавина, пред неколку дена на социјалните мрежи ѝ го честиташе роденденот на нејзината мајка Валери.
Судејќи според изгледот на нејзината мајка која наполни 69 години, очигледно е дека 50-годишната Наоми ги наследила најдобрите гени од нејзината убава мајка.
Наоми на својот профил на Инстаграм објави неколку фотографии со нејзината мајка, што ги воодушеви своите обожаватели на славната манекенка.
„И покрај тоа што не ги славиш родендените, јас ги славам. Среќен роденден мамичке, ќе те сакам засекогаш“, напиша Наоми покрај фотографиите со нејзината мајка, поранешна танчерка родена во Јамајка.
Инаку, Наоми го прослави својот 50-ти роденден во мај годинава и им се заблагодари на сите што ѝ помогнале во најтешките моменти, кога се бореше со својата зависност од кокаин и алкохол.
„На сите оние кои беа со мене во најтешките моменти, во сите мои подеми и падови, кои ме следат и дискретно стојат покрај мене, навистина сум им благодарна. Досега моето патување беше прекрасно, а јас постојано се потсетувам дека морам да работам на себе за да учам и да растам од ден на ден“, напиша таа.