ФОТО | Соработник на Беливук е во бегство, во неговиот дом пронајдени дрога, експлозив и оружје

Српската полиција распиша потерница за Вибор К. (42) од Котеш, во чиј дом е пронајден експлозив со магнет и далечински активатор, дрога и големо количество оружје.

Тој е осомничен дека бил член на криминален клан и близок соработник на Вељко Беливук и Марко Миjковиќ, кои беа уапсени во февруари годинава под сомнение дека сториле бројни тешки кривични дела.

Експлозивна направа со магнетски и далечински управувач, која најчесто се користи за поставување експлозив под автомобили е пронајдена во просториите што ги користел при претресот. Притоа пронајдени се две рачни гранати М-75, пиштол „Глок 17“, револвер, шест рамки за автоматска пушка, хеклер и автоматски пиштол и муниција од пушка.

Полицијата открила и повеќе од 10,2 килограми мешавина од амфетамини и кофеин, повеќе од три и пол килограми хашиш, 50 таблети МДМА, мала количина прашок МДМА, поголема количина супстанца за која се сомнева дека е хероин и две дигитални ваги за точно мерење, како и друга опрема за подготовка и пакување на наркотици.

Полицијата во април пронајде значителна количина оружје во викенд куќа во Ритопек, куќа означена како место за ликвидација на жртвите Вељко Беливук и Марко Миjковиќ.

Видео на денот