ФОТО: Софија Лорен го сакала Тито, тој ја сакал Јованка, а таа била љубоморна на актерката…
Јосип Броз Тито за време на своето владеење угостил многу светски ѕвезди како Елизабет Тејлор, Софија Лорен, Ричард Бартон. Посебно внимание на тогашните медиуми привлекла посетата на славната Софија Лорен, која била гостинка на Брионите 15 дена.
Нада Будисављевиќ сестрата на Јованка Брзо во нејзината книга пишува дека Софија дошла во вилата Јадранка со својот син кој тогаш имал една и пол година, а биле придружувани од швајцарската дадилка.
„Секој ден му се јавуваше на Карло Понти. Косата ја миеше со дестилирана вода и на неа ставаше маслиново масло“, вели Будисављевиќ.
Тито за Софија правел загорска штрудла. Лично го сукал тестото.
Тајната чувана долги години, за емоциите на познатата актерка која ги имала кон покојниот маршал, ја открил Ненад Вуковиќ, кој пред неколку години го купил Титовиот имот.
Како што тврди Ненад, а и некои други сведоци од тоа време, италијанската актерка била вљубена во поранешниот претседател на Југославија, Јосип Броз Тито, кого често го посетувала, некогаш и тајно, на имотот во неговото лозје во Гроцка.
President Tito with Italian actress Sophia Loren on the Island of Vanga, preparing a dish from Tito’s native region, “Zagorski Štrukli” – 1971. pic.twitter.com/Hm95Kk6oE1
— Josip Broz Tito (@Broz1892) September 8, 2020
– Слушав разни приказни, но факт е дека Тито ја пречекувал Софија Лорен на гости овде, во Гроцка. Тој бил голем заводник и хедонист. Јованка била љубоморна и кога Софија доаѓала од Италија во Србија кај Тито на гости, беснеела од љубомора. Постојат записи за посетите на Лорен и во нив се открива дека актерката сакала бајадери и јадења со пилешко, а Тито бил познат како љубител на грозје – вели Вуковиќ, а сето ова го потврдува и Драган О., кој своевремено работел за Тито.
– Тогаш бев млад и ми беше голема чест да работам за претседателот. Се сеќавам кога Софија доаѓаше. Беше вљубена во него. Преубава беше и сите се вртевме по неа. Тито ја сакаше Јованка, а Софија него. Точно е што господнот Вуковиќ рече дека Јованка беше љубоморна на глумицата. Софија јавно доаѓаше на манифестациите организирани од Тито, а кога доаѓаше тајно, проценете сами – откри човекот од персоналот на Тито, за порталот Курир.рс.