ФОТО | Синот ѝ почина од рак, а на 68 години доби второ бебе: Ана Гарсија Обрегон и нејзината ќерка носат исто име

Фото: Принтскрин - Инстаграм

Шпанската водителка и актерка Ана Гарсија Обрегон ја сподели среќната вест – стана мајка на крајот на седмата деценија, на 68 години. Познатата Шпанка својата ќерка ја добила преку сурогат-мајка во Америка.

Ана претходно го загуби своето единствено дете во мај 2020 година; нејзиниот син Алекс Лекио почина на 27-годишна возраст по битката со тешка форма на рак.


Таа го доби Алекс во врска со италијанскиот аристократ Алесандро Леки, во кој веќе не е вљубена, но парот остана во пријателски односи. Во следните две години Ана ги изгуби двајцата родители, па зад себе остави многу мрачен период и одлучи да побара утеха во мајчинството и во уште едно дете.

Ана целиот процес го спроведе во целосна тајност, а за него знаеја само нејзините сестри Селија и Амалија, како и споменатиот Алесандро Лекио, таткото на нејзиниот покоен син Алекс.


Таа кон средината на март заминала во Мајами, каде што се породила сурогат-мајката, а девојчето се родило на 20 март, два дена по 68-от роденден на водителката. Водителката дури беше фотографирана како излегува од породилиштето со бебето во рацете; новороденчето е завиткано во розово ќебе и носи плетена капа на главчето.

Интересно е што Гарсија на девојчето му го дала своето име, па сега и двете се викаат Ана!

Шпанските медиуми пишуваат дека детето го родила тинејџерка која забременила во јуни 2022 година, месецот кога Алекс би наполнил 30 години. Да потсетиме, сурогат-мајчинството е легално во САД, како за парови, така и за само еден родител.

Инаку, Ана основа фондација која го носи името на нејзиниот син Алекс, чија цел е да собере средства за понатамошно истражување на ракот и лекови за оваа болест.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот