Неслучајно, стилот на првите дами ни кажува многу за нив и за идеалот што тие го отелотворуваат, како и за нивната моќ да влијаат врз обичаите и размислувањето на општеството преку слики.

Меланија Трамп, непомирливо модно искушение

Не е претерување ако се каже дека Меланија Трамп со нејзините модни избори влезе во историјата на модата во Белата куќа. 45-от Флотус ги покажа најсовремените и трендовски модни избори што никогаш претходно не биле видени од жена на таква позиција.

Таа е поранешна манекенка, па знае да носи буквално сè со елеганција, вклучувајќи ги и потпетиците со висина од 12 сантиметри. Јакни со качулки и пораки, комбинезони, вртоглави деколтеа, секси здолништа, тесни панталони, женствени фустани и костуми со нагласен струк – таа остана симбол на новото време во неговата најлуксузна смисла.

Милионерката беше и претходно навикната на луксузните Ралф Лорен, Валентино, Мајкл Корс, Диор, Долче и Габана, кои останаа и во периодот на престојот во Белата куќа, нејзини омилени креатори. Честопати беше критикувана за нејзината „нечувствителност“ во изборот и за модни додатоци кои се сметаат за невообичаени или премногу наметливи (на пример, чевли од „Маноло Бланик“ со високи потпетици, додека ги посетуваше областите погодени од ураганот Харви во Тексас, или незаборавната парка на која пишуваше „Навистина не ми е гајле“).

Во секој случај, дури и кога облеката беше „на место“, Меланија Трамп секогаш демонстрираше непомирливо модно искушение и моден предизвик за милиони жени.