Светлите бои дефинитивно ќе ја одбележат оваа година, а доколку ги прашате модните експерти која боја ќе се најде на врвот на листата, тие ќе ви кажат дека тоа е розовата.

Минатата година поминавме многу време во комотна облека која ја носевме по дома, облека во неутрални и темни бои, но со првите денови од новата година, правилата се менуваат. Месеците пред нас ќе бидат обележани со разиграни модни парчиња и нијанси.

Розовата боја е одлична затоа што одлично одговара на секоја жена. Без разлика дали сте бринета или русокоса, оваа боја е полн погодок.

Покрај гардеробата, релевантни ќе бидат и додатоците во оваа нијанса. Доколку не сте доволно храбри за во вашиот гардеробер да доминира розовата боја, изгледот можете да го зачините со накит или додатоци за коса во оваа боја.