ФОТО: Сателитски снимки од уништувањето на руската база на Крим

Сателитски снимки од експлозиите на Крим/ Фото Planet Labs PBC

Руската воздушна база на полуостровот Крим, која Москва ја анектираше од Украина во 2014 година, беше тешко оштетена во експлозиите на 9 август, покажаа сателитски снимки кои беа објавени синоќа, пишува „Гардијан“.

Воздухопловната база Саки на руската морнарица во близина на селото Новофедоривка загубила најмалку девет воени авиони, вклучувајќи ловци СУ-30СМ и бомбардери СУ-24М, објави „Радио Слободна Европа“.

Уништени се и неколку згради во базата во кои можеби имало муниција.

Сателитски снимки од експлозиите на Крим/ Фото Planet Labs PBC

Русија ја користи воздухопловната база Саки, лоцирана на западната страна на Крим, за редовни напади на украинска територија откако ја започна својата инвазија на земјата на 24 февруари.

Не е позната точната причина за експлозиите на 9 август.

Видео на денот