ФОТО | Сама за викенд: Џенифер Лопез ужива во музиката на нејзиното поранешно момче
Латино дивата Џенифер Лопез воопшто не е загрижена што нејзината врска е на „климави нозе“, судејќи според нејзините последни објави на социјалните мрежи.
Најголемо внимание кај своите фанови пејачката привлече со кратките видеа кои ги објави на својот инстаграм – профил во неделата, во кои се гледа како сама ужива во луксузен ресорт во Доминиканската Република.
Американската пејачка и актерка, која двапати беше номинирана за Греми награда, Џенифер Лопез, го искористила викендот за релаксација и време за себе.
Пејачката во серијалот од три видеа кои ги објави на својот инстаграм – профил се разладува и со освежителен коктел притоа забавувајќи се на еден познат хит кој е во изведба на нејзино поранешно момче.
Џеј Ло ужива во хитот на Дрејк, правејќи пауза од снимањето на еден нов филм за кој пејачката не открива многу детали. Џенифер и Дрејк беа во кратка љубовна врска во 2017 година.
Џенифер денес е верена со 45-годишниот Алекс Родригез, а откако почнаа да кружат гласини дека тие се разделиле, парот излезе со официјална изјава на 13 март дека сѐ уште се заедно порачувајќи им на американските медиуми дека работат на подобрување на нивната врска.