ФОТО: Ријана на романтична вечера со своето ново момче во облека за скијање и високи потпетици
Последните недели фокусот на странските медиуми беше ставен на романсата помеѓу пејачката Ријана и раперот Асап Роки, а фотографите ја „уловија“ поп – ѕвездата додека заминуваше на романтична вечера со новиот избраник, но во необична модна комбинација.
Ријана се појави во невообичаено издание за таа пригода, облечена во високи елегантни потпетици и гломазна скијачка јакна. Многумина беа збунети од ова тотално невообичаено модно издание, но пејачката сепак е наречена „кралица на стилот“ па дури оваа комбинација на облека одлично и прилега.
Да потсетиме, популарната пејачка и раперот се познаваат многу години, а притоа се и добри пријатели веќе подолго време, пишува магазинот „People“.
Пред седум години Ријана се појави и во спотот за хитот на Асап „Fashion Kill“, а во 2013 година, Асап Роки и се придружи на Ријана на нејзината светска турнеја „Diamonds“. Тие соработуваа и на нејзината песна „Cockiness“ од 2011 година, од албумот „Talk That Talk“.
Гласините за нивната врска се појавија на почетокот на 2020 година, кога пејачката раскина со Хасан Џамел.