Еден од најпознатите холивудски актери, Брус Вилис во последните неколку години е во фокусот на медиумите поради тешката дијагноза со која се бори.

На Вилис прво му беше дијагностицирана афазија, а подоцна и фронтотемпорална деменција. Со оглед дека има големо семејство и некои од неговите деца се јавни личности, медиумите лесно добиваат нови детали за неговата здравствена состојба, но и за тоа како дијагнозата на актерот влијаела на нив.

Неговата ќерка Талула, која поминува многу време со својот татко, е многу отворена за ова прашање. Таа, за „Вог“ отворено пишуваше за почетоците на болеста на нејзиниот татко и за знаците што се појавувале, кои семејството ги игнорирало.

„Долго време знаев дека нешто не е во ред. Сѐ започна со некакви нејасни одговори, кои целото семејство ги поврзуваа со губењето на слухот“, напишала Талула.

Таа само се посомневала дека неговите реакции на околината се знак дека повеќе не е заинтересиран за неа, мислејќи дека целосно е посветен на новата сопруга и двете деца.

„Доби две деца со мојата маќеа, Ема Хеминг Вилис и мислев дека го изгубил интересот за мене. Не сум доволно убава за мојата мајка, не сум доволно интересна за мојот татко.“, додала Талула.

Открила дека не е горда што постојано ги избегнувала и негирала знаците на неговата болест. Таа исто така, изјавила дека една од причините зошто ја игнорирала целата ситуација е тоа што во исто време и самата се борела со тешки нарушувања, вклучувајќи ја и анорексијата.

„Додека јас се борев со мојата дисморфија и зборував за тоа на Инстаграм, татко ми тивко се бореше“, напишала.

Сепак, Талула успеа да се опорави и сега целото слободно време го поминува со нејзиниот татко, како и со остатокот од семејството, вклучувајќи ја и нејзината мајка Деми Мур, сестрите Румер и Скаут и полусестрите Мејбел и Евелин.

Секогаш кога го посетува својот татко, таа го фотографира секој момент, за да го документира нивното време заедно и вели дека секоја говорна пошта од него ја има зачувана на хард диск.

Сопругата на Брус Вилис сподели што направила за него деветгодишната ќерка

ВИДЕО | Брус Вилис го прослави 68-миот роденден со ќерките, поранешната и сегашната сопруга

ФОТО | Брус Вилис стана дедо, најстарата ќерка Румер роди ќерка