ФОТО | Последната објава на застреланата камерманка го „кине“ срцето
За време на снимањето на „Рѓа“ (Rust) во близина на Санта Фе, директорката на фотографија Халина Хачинс беше убиена откако случајно беше застрелана од актерот Алек Болдвин, и тоа од пиштол којшто требало да биде наполнет со лажни куршуми (ќорци).
Холивуд од утрово е завиен во црно – актерот Алек Болдвин (68) ненамерно ја убил директорката на фотографија Халина Хачинс (42) на сетот, додека режисерот Џоел Соуза (48) е хоспитализиран поради повреда од пукањето, соопшти полицијата во Санта Фе.
Како што пишуваат американските медиуми, Халина Хачинс била една од најперспективните во овој бизнис во Холивуд, а ѝ се предвидувала голема и блескава кариера.
– Мислам дека ќе биде неверојатно позната и многу успешна како директорка на фотографија – изјавил неодамна Адам Иџипт Мортимер, кој соработувал со неа на снимањето на филмот „Archenemy“.
Во својата биографија, Хачинс имала бројни филмови, вклучувајќи ги „Darlin’“, „The Mad Hatter“, „Blindfire“ и други, а во моментот подготвувала неколку кратки филмови во кои требало да учествува.
Пред само два дена, Хачинс споделила видео на Инстаграм во кое покажала како ужива на снимањето јавајќи коњи.
View this post on Instagram
Таа истакнала дека дружењето со овие животни е само една од многуте добри работи кога се снимаат вестерн филмови, а споделила и фотографија од целата екипа, на чело со Алек Болдвин.
View this post on Instagram
Имено, Болдвин (68) самиот отишол во полициска станица и дал изјава плачејќи.
Сè уште не е истражена причината зошто Болдвин пукал во луѓе што не биле дел од актерската екипа, но локалната полиција го истражува случајот и не е поднесена кривична пријава.
BREAKING: A distraught Alec Baldwin, after he accidentally shot & killed the cinematographer on the set of his new movie, & wounded the writer-director. How on earth could this have happened?
Pics: Jim Weber @thenewmexican pic.twitter.com/xrvcheLaCK— Piers Morgan (@piersmorgan) October 22, 2021
Хачинс со хеликоптер била пренесена во болницата на Универзитетот во Ново Мексико каде што била прогласена за мртва, додека Соуза кој бил пренесен со итна помош во регионалниот центар „Кристус Ст. Винсент“ е згрижен поради здобиената повреда од пукањето.
