ФОТО | Поранешниот сопруг на Џеј Ло повторно заљубен: Ова е новата партнерка на Марк Ентони!
Веста дека американскиот пејач влегол во врска со ријалити ѕвездата одекна во светот…
Пејачот Марк Ентони (52) и поранешен сопруг на Џенифер Лопез повторно е заљубен, а неговото срце го освои моделот и ријалити ѕвезда Евелин Лозада (44), која се прослави во шоуто „Жените на кошаркарите“.
Парот е во врска веќе неколку месеци, а времето главно го поминуваат во неговата вила во Мајами, пишува „The Blast“.
Како што се наведува, Ентони е виден со Лозада и нејзините две деца, 17-годишната Шенис Харисон и шестгодишниот Карло Лео Крафорд.
Нивната романса всушност ја разотрикле фановите на Инстаграм, забележувајќи дека и двајцата објавуваат исти фотографии, како и дека секогаш се на идентични локации.
Марк Ентони и Евелин Лозада се уште не потврдиле, а ниту пак ги демантирале овие наводи.
Да се потсетиме, Марк Ентони и Џеј Ло беа во брак седум години, а од таа љубов се родија близнаците Макс и Ема во 2008 година.