ФОТО | Полицајката Пени Ланкестер: По улиците на Лондон патролира сопругата на Род Стјуарт
Повеќето сопруги на светските рок-ѕвезди немаат ништо против животот на висока нога, но Пени Ланкестер, третата сопруга на Род Стјуарт, не е една од нив.
Во биографијата на 50-годишната мајка на две деца пишува дека била модел за долна облека и фотографка, а неодамна успешно го помина тестот за да стане полицајка во Лондон. Првиот работен ден во полициска униформа, во тек на обиколката на градот, снимено е како Ланкестер фатила еден престапник што уринирал на улица. Гледајќи како кон него се приближува русокосата убавица опремена со лисици, полициска радиостаница, електрошокер и палка, човекот брзо се закопчал, пишува „Сан“, но новата градска полицајка не била задоволна од тоа, па го натерала престапникот да исчисти зад себе.
View this post on Instagram
Желбата да им се придружи на полициските сили, кај Ланкестер се јавила по учеството во серијата „Познатите во борба против криминалот“ од 2019 година, во која славни личности им се придружуваат на полицајците во патрола.
Но, нејзината активност е далеку посериозна од фаќање несовесни граѓани што мократ на јавни места, па во емисијата „Добро утро, Британијо“ изјави дека неодамна помогнала да се спаси живот на самоубиец.
View this post on Instagram
– Кога размислувате за полиција, помислувате на најнасилните казнени дела, но ние сме тука за да им помогнеме на најзагрозените. Моментално има многу инциденти на мостовите и имам помогнато на некој што една ноќ беше на мостот во очајна состојба. Можеме да користиме многу начини, изјавила Ланкестер.
View this post on Instagram
Најголема поддршка ѝ е сопругот.
– Опасно е, но полицијата е јавност, а јавноста е полиција. Таму се и жени и мажи, браќа, сестри, вујковци, тетки… Ние сме нормални луѓе, но ја облекуваме таа униформа за да можеме да помогнеме во заштитата, објаснува Ланкестер.
View this post on Instagram
За славниот сопруг Пени се омажи во 2007 година, а со него ги има синовите Алистер (15) и Ејдан (10). Полициската работа ја исполнува, а за да може да работи полагала испити, се подготвувала физички и положила испит за кондиција. Таа имала и разговор со двајца полицајци за да се квалификува за таа работа.
View this post on Instagram
– Ова сум јас. Можам да шетам на црвениот тепих со Род или да бидам во нашата штала со козите, но доаѓа време кога секој се преиспитува и си ги поставува прашањата: „Кој сум јас?“ , „Кој сум во својата суштина?“ Тоа е она што сметам дека секогаш треба да го правиме. Станува збор за идентитет, изјавила Ланкестер за „Дејли мејл“.
