Граничната полиција на САД спасила две деца откако биле пронајдени во шума на брегот на реката Рио Гранде.

Во вторникот, полицијата објави фотографија на Твитер од двегодишното девојче со ранец и тримесечното момче во корпа со ќебе како седат во грмушките.

Граничната полиција во соопштението за печат открила дека полицајците ги пронашле децата напуштени во близина на Игл Пас околу пладне.

Полицајците кои патролирале со бродот забележале необична боја на брегот на реката и откако се доближиле, сфатиле дека станува збор за напуштени деца.

The attention to detail our agents demonstrate while preforming their duties can be the difference between life and death. It is heartbreaking and frustrating to know that there are children being abandoned without remorse or concern for their lives and wellbeing. – Chief Garcia https://t.co/k8FXzoX9OQ pic.twitter.com/0lTc8hlUHk

— Chief Patrol Agent Del Rio Texas (@USBPChiefDRT) September 14, 2021

Пораката што била пронајдена под носилката во која се наоѓало бебето ја открила возраста на децата, како и дека се работи за брат и сестра од Хондурас.

„Беше спроведено детално пребарување на областа, но немаме податоци што се случило со нивните родители“, се наведува во соопштението.

Eagle Pass #USBP agents rescue children abandoned in Rio Grande. More info: https://t.co/xkZHlvIGa9 #CBP pic.twitter.com/PzT4WIm4Ez

— CBP South Texas (@CBPSouthTexas) September 14, 2021

Во дополнителното соопштение на Твитер, началникот на граничната полиција Роберт Гарсија ги пофалил вработените, бидејќи ги довеле децата на безбедно, пишува магазинот „Пипл“.

„Чувството за детали што нашите агенти го покажуваат додека ги извршуваат своите должности понекогаш може да биде разликата помеѓу животот и смртта“, напишал Гарсија.

Тој додал дека е болно и фрустрирачки да се знае дека постојат деца кои се напуштени без грижа на совеста, знаејќи дека нивната безбедност во шумата е загрозена.

Во моментов не е познато каде се наоѓаат нивните родители и сѐ уште се трага по нив.