ФОТО: Погледнете како ќе изгледа внатрешноста на новиот „Сантјаго Бернабеу“
Пред почетокот на натпреварот од Лигата на шампионите помеѓу Реал Мадрид и Шахтјор, шпанскиот гигант објави нови детали поврзани со реконструкцијата на „Сантјаго Бернабеу“.
Реал почна да го обновува својот стадион за време на пандемијата и играше на помошниот стадион „Алфредо ди Стефано“ пред да се врати на „Сантјаго Бернабеу“ во пресрет на оваа сезона.
Според најавите стадионот ќе биде завршен и целосно отворен во декември следната година, што се совпаѓа со 75 роденден на легендарниот стадион.
– Клубот е во преговори со угостителите и сака да понуди ресторани со Мишелин ѕвезди. Ангажирани се најголемите светски консултантски компании да ги донесат најголемите брендови на стадионот, кои на Реал ќе му носат околу 100 милиони евра годишно. Околу 100 компании се пријавија за тендерот, клубот и консултантите треба да изберат меѓу 10 и 20 компании кои мора да имаат на ум дека главни спонзори на клубот се „Кока-Кола“ и пивото „Маху“ – пишува Марка.
🏟| Latest details on the developments for the new Bernabéu:
👉 5 times of the current revenue is expected.
👉 There will be an app to order drinks and food (to your seat). @MadridSports_ pic.twitter.com/y1PYQoNMDN
— Madrid Zone (@theMadridZone) November 3, 2021
Реконструираниот стадион ќе има пет луксузни ресторани со поглед на тревникот, а ќе бидат отворени и за време на натпреварите и во текот на целата година. Услугите кои нудат храна и пијалок за навивачите за време на натпреварот ќе имаат специјални мобилни апликации преку кои навивачите во одредени сектори на стадионот ќе можат да нарачуваат, а персоналот ќе им ја донесе нарачката.
Ќе има т.н отворен бар кој ќе гледа кон градот, а по примерот на трговските центри ќе можете да јадете од неколку ресторани на едно место. Покрај сето тоа, навивачите ќе можат да купуваат производи од најголемите светски брендови.
👉 Se barajan restaurantes como: 99 Sushi Bar, La Máquina, Kabuki, Urrechu…
👉 Estarán presentes chefs como: Arzak, Dani García, Dabiz Muñoz, Ángel Muñoz o Martín Berasategui.
👉 El Sky Bar se ha inspirado Seen, situado en Lisboa. pic.twitter.com/058YWNuzh5
— Madrid Sports (@MadridSports_) November 3, 2021