Патувачкиот лунапарк, кој пред неколку години беше поставен во близина на спортскиот центар „Борис Трајковски“, деновиве повторно се поставува – камионите се паркирани на големата зелена површина веднаш до базенот, а мајстори ги монтираат рингишпилите и другите реквизити.

Лунапаркот беше затворен есента пред да започне пандемијата на коронавирусот, а потоа повеќе од две години не беше поставен, поради мерките за заштита од вирусот, со кои беше забранета работата на вакви објекти.