ФОТО | Писателката ја шокираше јавноста: Пред пет месеци му родив дете на Илон Маск!
Американската писателка и колумнистка Ешли Сент Клер ја шокираше јавноста со објава на социјалната мрежа Икс во која тврди дека му родила дете на милијардерот и претприемач Илон Маск. Ешли Сент Клер тврди дека детето го родила пред пет месеци, а на Маск ова му е 13-то дете. Писателката, заедно со објавата, ја напишала и латинската поговорка „Alea Iacta Est“, што во превод значи „Коцката е фрлена“.
Препорачано
– Пред пет месеци донесов дете на овој свет. Таткото на моето дете е Илон Маск. За ова досега не сум зборувала јавно за да ја заштитам приватноста и безбедноста на нашето дете, но во изминатите неколку дена таблоидите почнаа да објавуваат информации за нас. Имам намера да му овозможам на нашето дете да расте во нормална и безбедна средина. Поради оваа причина, ги замолувам медиумите да ја почитуваат приватноста на нашето дете и да се воздржат од инвазивно известување – рече Сент Клер во објавата.
Alea Iacta Est pic.twitter.com/gvVaFNTGqn
— Ashley St. Clair (@stclairashley) February 15, 2025
Илон Маск сè уште не се огласил по повод нејзините изјави ниту ја потврдил оваа информација.
Илон Маск досега имал вкупно 12 деца со различни партнерки. Милијардерот и претприемач првпат стана татко во 2002 година додека беше во брак со канадската писателка Џастин Вилсон. Нивниот син Невада Александар за жал почина по само 10 недели. Парот потоа ги доби близнаците Вивијан и Грифин кои сега имаат 21 година, како и тројката Каи, Саксон и Демијан, кои имаат 18 години. Од врската со пејачката Грајмс, Маск доби син со необичното име X Æ A-12, кој сега има четири години, а Маск во последно време често се појавува во јавноста со него.
Маск и пејачката се разведоа во 2022 година, а заедно имаат уште две деца – Екса Дарк Сидерел, која има три години, и синот Техно Механикус, кој има две години. Пред пејачката Грајмс да ја роди својата ќерка, Маск објави дека има уште две деца, близнаците Страјдер и Азур, со Шивон Зилис, кој е директорка на една од неговите компании.
ВИДЕО | Маск со својот син во Овалната соба: Трамп потпиша наредба за соработка со него
