ФОТО | Парис Хилтон стана мајка, објави фотографија од синот
Богатата наследничка Парис Хилтон стана мајка, а среќната вест ја сподели со своите следбеници преку Инстаграм. Оваа вест се чувала во строга тајна до раѓањето на момчето.
Парис Хилтон и нејзиниот сопруг Картер Реум добија син преку сурогат-мајка, а среќната вест дека чекаат бебе ја чуваа во строга тајност. Ова е прво дете на Парис, а второ на нејзиниот сопруг кој има 10-годишна ќерка која наводно ја видел само еднаш во животот.
„Веќе си бескрајно сакан“, напишала Парис под фотографијата на која се наоѓа бебешката рака која ја држи нејзината.
View this post on Instagram
Оваа објава ја коментираше Ким Кардашијан која, како што пишува „Дејли мејл“, ја запознала Парис со сурогат-родителство и истото ѝ го предложила.
Парис и Ким, инаку, со години се најдобри пријателки, а се чини дека и сега го продолжиле активното дружење.
View this post on Instagram
Парис никогаш не криела дека родителството е единствената улога во која досега не се остварила и дека има силна желба да стане мајка.
„Отсекогаш ми беше сон да бидам мајка и многу сум среќна што Картер и јас се најдовме. Возбудени сме што заедно ќе го основаме нашето семејство и нашите срца се преполни со љубов кон нашето момче“, додала Парис во изјавата за „Пипл“.
View this post on Instagram
Инаку, парот се венча во 2021 година на раскошна церемонија, а Парис по тој повод носеше дури шест венчаници.
Вистинска принцеза од Бел-Ер: Парис Хилтон се омажи за Картер Реум!
Сè е така розово: Парис Хилтон во розова венчаница славаше во забавен парк!
