ФОТО | Ова е најпосакуваната земја за преселба во 2025 година: Просечната плата таму е 4.500 евра
Компанијата „Ремитли“ ги истражуваше најпосакуваните земји за преселба во 2025 година, а на прво место се најде Исланд, пренесува „Тајм аут“.
Препорачано
Според нивниот нов имиграциски индекс проценети се 82 земји врз основа на 24 клучни фактори, како што се јавниот превоз, вработувањето, трошоците за живот и среќата на населението, а податоците откриле дека Исланд е најпосакуваното место за преселба во 2025 година.
Островот, познат по својата импресивна природна убавина, со оценка 58,4 од можни 100, се смета за идеална дестинација за оние кои размислуваат да се преселат во друга земја. Инаку, Исланд неодамна беше прогласен за најбезбедна земја во светот, како и трета најсреќна и трета најопуштена земја во светот.
Главниот град Рејкјавик е дом на околу 140.000 луѓе, и иако е помал од познатите светски метрополи, има опипливо чувство на заедница и пријатна атмосфера, која ќе ја најдете во малите, шармантни кафулиња, како и во пространите ресторани. Покрај тоа, сите главни атракции во градот се на само неколку минути пешачење, што го прави многу достапен.
Со сето горенаведено, просечната плата е само дополнителен бонус што ја прави оваа земја толку привлечна. Имено, Исланд и понатаму е високо на листата на земји кои нудат најдобри услови за живот и работа, а просечната плата е околу 4.500 евра.
Исланд нуди и бројни можности за истражување на природната убавина. Полуостровот Снефелснес е неверојатен регион во западен Исланд, како и Златниот круг, позната рута која вклучува водопади, гејзери и геотермални извори и која привлекува многу туристи.
Инаку, Швајцарија се најде на второто место на листата на најпосакувани земји за преселба со 55,8 поени, додека Луксембург се најде на третото место со 55,7 поени. Во првите 10 земји се и Норвешка, Обединетите Арапски Емирати, Ирска, САД, Данска, Холандија и Австралија.
