Синот на пејачката Тамара Тодевска и кошаркарот Александар Димитровски – Мачка денеска наполни 6 години.

По тој повод, музичката ѕвезда објави неколку семејни фотографии со кои му го честиташе роденденот.

„Среќен роденден љубовче мамино. Не можеш ни да замислиш колку те сакам. Остани така сладок и шеќерен засекогаш. Ти си нашето златно дете. Хана е најсреќна што те има баш тебе за нејзин брат. А и блесав си за медаља. Денес е твој ден. Биди ми здрав и жив“ – ова се слатките пораки кои Тодевска ги напиша на секоја од фотографиите.

Дарен доби честитка и од архитектот Лука Радовиќ, кој е во љубовна врска со Тодевска нешто повеќе од една година.

„Мал голем човеку, среќен роденден! Секогаш да сме вака насмеани и мускулите, конечно, да ти пораснат“, напиша Радовиќ на својата инстаграм-сторија.

Да потсетиме, Тамара Тодевска и кошаркарот Александар Димитровски – Мачка стапија во брак во 2015 година, а минатата година ја објавија веста дека се разделуваат. Тие имаат две деца – седумгодишната Хана и петгодишниот Дарен.

Сега е во врска со архитектот Лука Радовиќ.

„Спонтаноста, едноставноста, позитивната енергија се секогаш особините што ме привлекувале… Лука е многу внимателен и посветен. Оттука, јасно е зошто добро функционираме“, раскажа пејачката во интервју за „Слободен печат“, одговарајќи на прашањето: „Со што те освои Лука?“.