ФОТО | Ново откритие: Египетските археолози ја пронајдоа најголемата работилница за мумифицирање
Египетските археолози ги открија „најголемите и најкомплетните“ работилници за мумификација на луѓе и животни пронајдени на локација во близина на Каиро, пренесува британскиот „Телеграф“.
Работилницата, која датира од 30-та династија и раната ера на Птоломеј (IV век п.н.е.), била пронајдена во близина на пирамидата на Џосер, најстарата камена пирамида.
„Два камени кревети за човечко балсамирање беа пронајдени во голем број простории. Креветите беа долги приближно два метри и широки еден метар. Тие беа направени од камени блокови и покриени со слој малтер што се спушташе до олук.“ рече Мостафа Вазири, генерален секретар на египетскиот врховен совет за антиквитети.
Работилницата за мумификација на луѓе е правоаголен објект изграден од кал од тули поделен во голем број простории кои содржат два кревети за балсамирање. Други откриени материјали за мумификација вклучуваат ленени ролни, тегли со коноп и алатки што се користеле за извлекување на внатрешните органи.
Работилницата за мумификација на животни е со правоаголна структура изградена од кал, тула и камен, поделена на повеќе соби и сали. Во неа се содржат самите погребувања на животните, бронзени алатки за мумификација, како и пет кревети од варовник вдлабнати во подот.
Откритијата на археолозите вклучуваат и две мали гробници стари 4.400 и 3.400 години кои се врежани во карпа. Се верува дека овие гробници припаѓаат на високи функционери и свештеници.
На ѕидовите на една од гробниците се пронајдени натписи за одгледувањето, ловот и други активности, како и голема колекција на артефакти, во кои имало прекрасни недопрени дрвени и камени статуи и погребни предмети.
Инаку, мумификацијата во древниот Египет била сложена процедура која одземала многу време и можела да потрае и до 70 дена. Првиот чекор било да се извлечат внатрешните органи, кои потоа биле поставувани во камени или керамички тегли. Телото потоа било миено, покривано со натрон, природно апсорбирачки минерал и оставано да се исуши 40 дена.