Еден од најдобрите светски тенисери Новак Ѓоковиќ се подготвува за настапот на грен слем турнирот „Ролан Гарос“ во Париз, кој ќе се одржува од 28 мај до 11 јуни.

Српскиот ас ќе има тежок пат до титулата во Париз, можно е во полуфиналето да се сретне против првиот светски рекет Карлос Алкараз.

Во пресрет на новиот грен слем, уште еднаш се докажа дека во Македонија има доста фанови кои му даваат поддршка на Ѓоковиќ.

Ноле доби македонски дрес од фудбалската репрезентација со број „10“ од еден од нашите најголеми спортски фанови Горан Кипријановски – Кипре кој воедно секогаш ги поддржува македонските национални репрезентации.

Ѓоковиќ со насмевка го прими подарокот, инаку ова му е втор дрес од Македонија, претходно доби ракометен дрес од Кирил Лазаров.