Деновиве жителите на општина Аеродром се сведоци на една интересна сцена. Имено, „преку ноќ“ никна праз во фонтаната која се наоѓа во близина на ТЦ Бисер, а која беше затрупана со земја за таму да бидат насадени цвеќиња и зимзелени дрвца.

Според извори на порталот Плусинфо, се работи за герила-акција од страна на опозициската ВМРО-ДПМНЕ.

– По барање на граѓаните, одлучено е фонтаната да биде претворена во хортикултурно катче, а деновиве ќе бидат насадени цвеќиња и зимзелени дрва. Поради тоа што е скапо повторно да се репарира фонтаната која е стара повеќе од 12 години, се одлучивме на ваков чекор. Во врска со насадените празови, тоа не е ништо друго освен евтина герила-акција од страна на опозициската ВМРО-ДПМНЕ, објасни Владимир Стевков, секретар во Општина Аеродром за Плусинфо.

Сепак, сето ова наиде на интересни реакции на социјалните мрежи.

– После затрупувањето, фонтаната е и успешно посадена со праз. Да, праз, зошто само празна глава може ова да го направи. Златко, имаш ли памет?, се вели во една од објавите на Фејсбук.

– Аеродромскиот Илон Маск – Златко Марин од фонтана направи цвеќарник. Иноваторство на ниво! Затоа и некои друго иноватори посадија праз. Изум на ниво, напиша еден од корисниците на социјалната мрежа Твитер.

Аеродромскиот Илон Маск – Златко Марин од фонтана направи цвеќарник. Иноваторство на ниво! Затоа и некои друго иноватори посадија праз. Изум на ниво😂 pic.twitter.com/InSYGwS1VI

— Чичо Боем (@konzervativen) May 12, 2021