Во понеделник ќе стартува првиот грен слем турнир годинава, во Мелбурн ќе се игра „Австралија опен“ каде што до последен момент нема да се знае дали ќе настапи првиот светски рекет Новак Ѓоковиќ.

Повторно по судски пат српскиот ас ја бара правдата и можноста да ја брани титулата во Мелбурн каде што би испишал историја, а тоа е 21 грен слем титула, што би било најмногу во историјата на овој спорт.

Како што е веќе познато, Ѓоковиќ е прв носител и така веројатно ќе остане, но додека нешто не се промени популарната апликација „Флешскор“ преку која може да гледаат спортските резултати во живо прејудицира и веќе го отпиша Србинот од турнирот пред нешто официјално да се случи во Мелбурн.

Противник на Ѓоковиќ во првото коло треба да биде неговиот сонародник Миомир Кецмановиќ.

Но, „Флешскор“ се одлучи за неверојатен потег, а тоа е да го прогласи мечот за откажан, дека Ѓоковиќ се повлекол и дека Кецмановиќ е пласиран во следната рунда.

ОВА НЕ ГО ОЧЕКУВАШЕ: Експерт за имиграција остро ја осуди депортацијата на Ѓоковиќ