ФОТО | Необичен избор на убавина: Во Израел се одржа Мис холокауст, победи 86-годишна жена
Необичен избор е одржан во средата во Израел. Салина Стајнфелд (86) е избрана за Мис холокауст 2021 на ова традиционално несекојдневно натпреварување.
– Мора да бидеме силни, да се грижиме за себе и она најважното, меѓусебно да си помагаме. Помогнете им на оние на кои им е потребна помош – рекла Стајнфелд.
#Israel hosts its Miss #Holocaust Survivor beauty pageant, after the event was canceled last year. ‘These women are some of the last living reminders of this horrible tragedy that affected the world and the Jewish people,’ Natasha Kirtchuk tells @sarahcoates_i24. pic.twitter.com/q7u8nwU3Jx
— i24NEWS English (@i24NEWS_EN) November 17, 2021
Според изјавата на организаторите и покрај годините што ги има, Стајнфелд најмалку еднаш неделно ги посетува старите и изнемоштени лица, пренесува „Тајм оф Израел“.
Родена е во 1935 година во романскиот град Јаш, кој во 1941 година го нападнале нацистите. Живеела со родителите, браќата и бабата. Во 1948 година се преселила во Израел, се омажила и добила три деца. Денес има седум внуци и двајца правнуци.
– Тоа е мојата лична победа над нацистите – рекла таа.
Фото: Твитер
На натпреварувањето се пријавиле неколку стотици кандидатки од кои биле избрани 10 финалистки. Гледачите ја избрале по пат на онлајн-гласање.
Целта на овој необичен избор на убавина е „да се развеселат хероините кои го преживеале холокаустот“, рекол организаторот.