ФОТО | Нека ви замириса цела кујна: Пилешки батачиња со лимон и рузмарин

Пилешко со лимон и рузмарин
Пилешко со рузмарин/Giada De Laurentiis/Facebook

Ако сакате овој сивкаст ден да го „обоите“ со вкусови, направете го овој едноставен рецепт за ручек.

За сите љубители на бело месо, односно батачиња, ова јадење ќе биде полн погодок да направите нешто ново, а сепак едноставно и со минимум труд.

Потребно ви е за 2 лица:

  • 6 помали пилешки батачиња
  • 1 лимон (сокот и кората)
  • 1 врзоп рузмарин (или лажица сув рузмарин, ако не најдете свеж)
  • сол
  • бибер
  • кари зачин
  • 3 лажици млеко
  • 3 лажици маслиново масло
  • 1 лажица сенф

Подготовка:

Батачињата убаво измијте ги и ставете ги на салфетка да се исцедат. Во меѓувреме во длабок сад ставете ги млекото, маслиново масло, лажица сенф, исцеден еден лимон+ рендана кората од лимонот, бибер, сол, и рузмаринот на гранчиња (или сув) и кари зачинот. Смесата треба да биде како сос.  Потоа ставете ги батачињата и извалкајте ги во смесата и покријте ги со стреч-фолија и оставете ги во фрижидер барем 1 час добро да се измаринираат и да ја впијат смесата.

Потоа, во плехче на хартија за печење наредете ги батачињата, попрскајте ги со маслиново масло и печете ги на 200 степени околу 30 минути, зависно колку сакате да бидат крцкави.

Прилог:

Една ќесичка од златна мешавина динстајте ја на путер и додајте малку сол. Откако ќе се свари, послужете како прилог со батачињата.

Уживајте!

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот