Уредничка на забавната програма на „РТС“, Оливера Ковачевиќ вчера на својот инстаграм-профил ја објави најавата за втората полуфинална вечер на Евровизија, на која ќе настапи и српската претставничка Констракта. Меѓу многуте коментари за поддршка, се најде и пејачката Неда Украден, која напиша:

„Среќно, девојки! Победа! Mens sana… поздрав од Канада“.

Но, веднаш беше пречекана со револт од коментатори кои потсетија дека Неда Украден, како претседател на жирито на „Беовизија“, на Констракта не ѝ даде ниту еден поен. „Сè уште се сеќаваме на нула поени. Позз“, е првиот одговор на коментарот на пејачката. Како не ви е срам да пишувате“, гласи друг коментар.

 

View this post on Instagram

 

A post shared by Olivera Kovacevic (@kovacevicolivera)

Но, некои застанаа во одбрана на Неда Украден, објаснувајќи дека нема контрадикторност во нејзината порака: „Што ако даде нула поени. Песната ѝ се допаднала само за нула поени. Но, тоа не значи дека тоа не е убав гест кон неа, како постара колешка да ѝ посака сè најдобро како претставник на Евровизија“, напиша коментаторот кој додаде дека тоа е гест на цивилизиран човек.

Констракта е единствената во полуфиналето на Евровизија која ќе пее на мајчин јазик

Откако на Констракта ѝ даде нула поена, Украден за „ТВ Прва“ изјави дека заслужувала 12, но дека сакала да награди и други песни. „Подобро да не ѝ давам поени ако веќе не можам да ѝ дадам 12. Покрај тоа, таа напомена дека ѝ се допаѓа тоа што со Констракта на натпреварот „победил паметот“.