ФОТО: Не е само Пандев, уште двајца фудбалери се збогуваат со репрезентативниот дрес!
Вчера капитенот на А репрезентацијата, Горан Пандев најави дека денеска против Холандија од 18.00 часот ќе го игра последниот натпревар во сениорскиот дрес.
„Гранде“ Пандев со своите игри и голови заслужи барем за последниот меч со националната селекција да оствари поволен резултат, но ќе видиме дали тоа ќе се случи во пресметката со моќните „лалиња“.
Непосредно пред дуелот со Холанѓаните нови големи информации доаѓаат од таборото, имено Крсте Велкоски преку социјалните мрежи дека и тој го има последниот натпревар во најдобрата репрезентација.
Воедно играчот на Сараево потврди дека „последниот тац“ во сениорскиот дрес го има и членот на АЕК Ларнака, Иван Тричковски.
И Езџан Алиоски имаше интересна објава на социјалните мрежи, со зборови дека селекторот Игор Ангеловски го има својот последен натпревар на клупата: „Последниот концерт на нашиот диригент“.
Вчера на пресот Ангеловски потврди дека му завршува договорот со ФФМ, им се заблагодари на играчите, а не сакаше повеќе да зборува околу иднината.