ФОТО: Најпосакуваните ергени го украдоа шоуто: Бред Пит и Бредли Купер го следеа УС Опен

ФОТО: EPA-EFE/JUSTIN LANE

Холивудските актери Бред Пит и Бредли Купер го „украдоа“ шоуто откако во неделата беа дел од публиката на финалето на УС Опен на стадионот Артур Еш во Квинс.

Натпреварот помеѓу српскиот тенисер Новак Ѓоковиќ и Данил Медведев будно го следеле холивудските ѕвезди.

Купер беше облечен во сина кошула и темно сини панталони, а Пит носеше сина поло маица, големи очила за сонце, сина маска и тренди бела капа.

бред пит, бредли купер
ФОТО: EPA-EFE/JUSTIN LANE

Во близина на филмските ѕвезди седеа актерите Рами Малек и Џозеф Мазело, како и ТВ ѕвездата Гејл Кинг и тенисерот Роџер Федерер.

бред пит, бредли купер
Фото: EPA-EFE/PETER FOLEY

За закрепнувањето на Пит во голема мера е заслужен и неговиот колега и долгогодишен пријател Бредли Купер, кој му помогнал да се држи подалеку од алкохолот. Пит во една прилика отворено зборуваше за неговото пријателство со Купер, заблагодарувајќи му се јавно во јануари минатата година.

„Благодарам, Бредли! Бредли само што ја стави својата ќерка на спиење и побрза на овој собир. Морам да нагласам дека денес сум трезен само благодарение на него. Оттогаш, секој ден сум посреќен од претходниот. Тој е вистински пријател и душа од човек. Те сакам и повторно ти благодарам“, во една прилика рече Пит.

бред пит, бредли купер
Фото: EPA-EFE/PETER FOLEY

Купер и Пит се познаваат со години и соработувале на голем број проекти. Самиот Купер еднаш призна дека имал проблеми со пороците, кога во младоста експериментирал со опијати.

За потсетување, двајцата актери во моментов се сингл. Тешката борба на Пит со Анџелина Џоли околу старателство над децата, продолжува. Во 2019 година, Купер раскина со својата долгогодишна девојка Ирина Шајк, со која има четиригодишна ќерка.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот