ФОТО | Модните комбинации на инаугурацијата: Џил Бајден во симболична боја, а Лејди Гага и Џеј Ло повторно во изданија што ќе се памтат
На свечената инаугурација на 46. американски претседател Џо Бајден во Вашингтон, иако не онака како што би било во нормални услови без пандемија, сепак беше свечено.
На вакви настани ништо не е препуштено на случајот, а секоја модна комбинација е внимателно смислена и избрана.
Џо Бајден носеше црно одело потпишано од Ралф Лорен, а Џил Бајден светло син капут украсен со кристали од Сваровски. Капутот го дизајнирала Александра О`Нил од њујоршкото студио „Маркариан“. Маската за лице, ракавиците и торбичката на првата дама беа во иста нијанса како капутот. Со оглед на тоа што сината боја е боја на Демократската партија, а исто така претставува и смиреност и стабилност, нијансата што ја одбра Џил Бајден беше и симболична порака.
За инаугурацијата Џил Бајден одбра краток бел фустан од дизајнерката Габриела Херст со извезени цветови – федералните цветови на секоја американска држава и територија.
Бившата прва дама Мишел Обама се појави во широки панталони и капут со темно црвена боја.
Лејди Гага ја пееше химната, а за историскиот момент се погрижи освен поради изведувањето на химната да биде запаметена и по модната комбинација. Избра волуменозно здолниште со впечатлива црвена боја и темносино палто од кашмир, украсено со голем брош во облик на златна гулабица, симболот на мирот. Со тој детаљ Гага сакаше да пренесе порака за надеж и мир.
За својот настап на инаугурацијата Џенифер Лопез носеше дизајн од модната куќа Шанел од последната колекција на Карл Лагерфилд за есен/зима 2019.