На доделувањето на наградите „Алби“, Амал Клуни го „украде“ вниманието на присутните, појавувајќи се со својот сопруг, познатиот холивудски актер Џорџ Клуни. Облечена во бел фустан на модната куќа „Версаче“, адвокатката уште еднаш докажа дека е вистинска модна икона.

Џорџ и Амал Клуни беа почесни гости на второто годишно доделување на наградите „Aлби“ во Јавната библиотека во Њујорк, настан на кој присуствуваа познати имиња од светот на правдата и културата.

Наградите се доделуваат во рамките на „Фондацијата Клуни за правда“. Добитници на наградите се луѓе за кои се вели дека се „храбри бранители на правдата“, кои се изложени на голем ризик поради вокацијата што ја практикуваат.

Наградите се именувани по судијата Алби Сакс, кој беше меѓународно познат јужноафрикански правник. Еден период од животот го поминал во затвор, а дел од животот во егзил поради неговите активности против режимот на апартхејдот, односно против политиката на расна дискриминација и делењето на населението врз расна основа.

ФОТО | Сите очи вперени во адвокатката: Амал Клуни го донесе целиот гламур во Венеција