ФОТО | Меган Фокс го „изгоре“ Инстаграм: Актерката воодушеви со своите облини
По кратката пауза од социјалните медиуми, американската актерка Меган Фокс се врати на Инстаграм со неколку заводливи фотографии во костим за капење.
„Ace of Cups + The Star“, напиша таа во описот на објавата, мислејќи на комбинација од тарот карти кои имаат позитивно значење. „Ace of Cups“ симболизира изобилство на љубов, емоционално исполнување и нови почетоци во љубовните врски, а „The Star“ претставува надеж, инспирација и духовно просветлување. Според многумина, ова е уште една потврда дека актерката и нејзиниот вереник Машин Ган Кели повторно уживаат во љубовта.
На првата фотографија, Фокс е облечена во минијатурно црно бикини, кое малку остава на фантазијата.
На втората фотографија, пак, актерката прави „селфи“ додека ужива покрај океанот.
И додека целиот свет ѝ се восхитува на нејзината убавина, Фокс неодамна призна дека страда од телесна дисморфија – ментална состојба при која луѓето се опсесивно преокупирани со нивниот изглед и сметаат дека не изгледаат доволно добро.
„Имам телесна дисморфија. Никогаш не се гледам себеси на истиот начин како што ме гледаат другите“, изјави таа неодамна за „Спортс илустрејтед“.
„Никогаш немаше моменти во мојот живот кога сум си го сакала своето тело. Никогаш, никогаш“, призна Фокс.